一張細緻的紙品、建構婚禮的開始;
讓喜帖成為一份令人難忘嘅收藏品。

《銀幸》依個名源於銀杏花。銀杏花嘅花語有永恆的愛,美滿嘅意思。而婚禮正好需要依種美滿嘅感覺,所以取其幸福之意,命名為銀幸。

作為一間香港喜帖專門店,除咗排版、圖形設計,《銀幸》對字形亦有更高追求。設計師認為繁體字係世上最美麗嘅字形之一,創作空間充滿潛力,由古代漢字到和製漢字,已足見繁體字嘅多樣性,亦慢慢從歷史發展蛻變成新嘅形態。

《銀幸》一直都相當堅持設計要有原創、個性與質感,尋覓設計更多可能性,同時呈現對美學嘅追求。奈何繁體字形選擇有限,所以當設計師設計喜帖嗰陣,亦會參考和製漢字,因應個別需要修改字型,令喜帖融合更多嘅元素。

喜帖作為一場婚禮嘅第一印象,代表着二人相愛嘅美。《銀幸》喺尊重客人同時,亦會將設計師嘅意念放入喜帖之中。由選擇喜帖紙樣、用色到排版設計,我哋都會為客人講解唔同嘅配搭,畀客人同設計師產生有趣嘅化學作用,一齊搵出心目中最理想嘅喜帖。

《銀幸》視設計為一個整體,所以連同喜帖信封都會一併設計,令所有經銀幸設計嘅作品,可以由外靚到內,再由內靚返外。

希望《銀幸》對美學嘅一絲不苟,能夠成為對新人嘅祝福,喺依份快樂上錦上添花。

最快14天交貨,不論您需要少量或大量訂製,銀幸都能滿足您的需求。

the ordering process 制作流程

inquiries 試下《銀幸》

為咗令客人對《銀幸》有一個初步認識,訂製前,客人可以事先查詢各項服務。不論樣板、價錢、度身訂造服務,《銀幸》都歡迎大家一齊傾兩句,搵出大家心目中嘅理想嘅構圖。
whatsapp 5722 7740

quotation 報個靚價

喺whatsapp溝通過程中,《銀幸》會因應客人嘅想法即時報價。如果客人認為合適,就會再約一個時間進一步洽談。

meeting 快啲行埋嚟

設計係一個需要冒險嘅過程。喺洽談過程中,設計師會將客人嘅要求融入設計之中。《銀幸》希望客人明白,設計並非只係一買一賣,而係設計師同客人一齊合作,搵出一個新嘅可能性。

first draft 試下你

雙方對設計有初步共識後,《銀幸》就會開始製作初稿。《銀幸》準備咗唔同嘅方案,為客人制定時間表,務求喜帖能夠如期送到各位親友手上。

final.final.v12 改完又改

《銀幸》嘅設計師會根據客人睇完初稿嘅感想,為客人修改構圖。客人不妨大膽提出意見,同設計師一同制作更理想嘅作品。

production 終於印啦

嚟到最後一步,將作品交畀客人之前,《銀幸》都會為成品進行品質檢定,令客人收到最理想嘅喜帖。