20201108 One Year-04

快來建築在⋯

by ginkgo production 08 nov, 2020

從前有兩條磨轆,中學一齊讀書,讀屎片就不在話下,晚晚夠鐘開場就玩信長。到出黎做野,無情情入左電影行,果時連ai係乜都唔知,一路做一路學,就開始鳩up不如搵啲野搞。咁岩果期身邊多人結婚,但收到既帖真係會唔多想keep。兩條磨轆就諗,明明喜帖係成個婚禮既first impression,但點解可以咁求其呢?⠀

兩條磨轆決定要令喜帖成為一份令人難忘既收藏品,要客人既客人都會唔捨得掉張帖!一開頭諗,不如做一個網頁,可以比新人好似車仔麵咁揀想要既野,揀完哂即刻有個rendering比客人睇,好似好美滿咁。但開始plan落去,就反思一個問題,咁銀幸有咩特別?⠀

香港本身喜帖市場唔大,亦都有唔少出色既喜帖公司,仲要做左好多年,要揀template款多的是。係呢一刻就明白,銀幸需要探究客人內心既浮世繪,做全訂製款。

好慶幸一開波就有班勇敢既新人夠膽同銀幸癲,可能真係近朱者赤,銀幸亦都同呢班新人friend左。仲有好多新人會refer其他新人比銀幸。⠀
但銀幸亦都遇過d好前衛客人,應該走前銀幸幾十年,實在招架不住,直頭打擊到兩位磨碌懷疑人生,反思銀幸究竟個定位係咩。銀幸既設計,除左要滿足到客人需要,更加重要係保護設計師既想法。⠀

開左無耐銀幸就遇著港共政府帶黎既武肺,好多新人都因為咁而暫緩。銀幸既生意就好似拜登條線但反轉左咁直線下降。正所謂 窮則變 變則通,做唔到婚禮做商業!又真係行得通,就因為咁可以釣住銀幸條命。

銀幸仲係呢一年識到一班志向相同,同樣想做好事既人。而好似銀幸依啲出外靠朋友嘅寄生蟲,就成日都想識更多做好事既人,一齊搞啲好野出嚟。⠀
一路發展落去,銀幸兩個磨轆明白,唔可以再咁晚晚做到夜一夜無哂人生無哂時間,同埋最緊要係無得打機!所以我地決定要搵班同我地一樣夠鳩既人一齊做野,就係當日銀幸出左個story請人,請到明個人一定要夠鳩。果然睇得銀幸既人都係鳩鳩地,包括你。就係咁銀幸多左幾個夠鳩既好幫手,而佢地亦因為兩個磨轆既鳩歌鳩叫鳩癲所感染,開始愈黎愈鳩,有時兩個磨轆忍唔住都要講句你地唔好咁痴線啦!⠀

今日係銀幸既一歲生日;希望黎緊呢年,銀幸可以製作出更多好既作品、可以招攬到更多鳩既志同道合一齊玩、可以請到更多夠鳩既同事、可以有更多岩傾岩玩既客人,最緊要係兩條磨轆可以比以前有更多既時間打機!