《銀幸》第一對客人

一間設計公司能夠生存,最重要係得到客人嘅信任。

《銀幸》相當慶幸喺接洽第一單生意嘅時候就遇到一對非常信任我地嘅客人。

依對客人,用一見如故嚟形容都唔算過份,佢地對我地嘅信任就好似認識左好耐嘅朋友。

令到我地有啲感動嘅係,喺《銀幸》草創初期,能夠提供畀客人嘅設計參考實在有限。但依對客人喺咁嘅情況下都完全信任我地,畀咗一個好好嘅機會《銀幸》去發揮專長。

仲記得當時客人話好鐘意雀仔,希望能夠喺喜帖上用雀仔來形容佢地。原因係因為兩位新人都鍾意動物,就算去到外國影相都會影好多好多雀仔同鴨仔嘅相,認真係一對「撚雀之人」。

所以當佢地去到談婚論嫁,就好希望喺喜帖上可以有一對靚雀。但客人喺市面上搵咗好耐都未揾到啱心水嘅喜帖,直到係偶爾嘅情況下搵到《銀幸》,而我地又真係有提供訂製喜帖嘅服務。

《銀幸》為咗依對投下百份百信任嘅雀痴,就認真咁思考雀仔同喜帖嘅聯繫。

雀仔本身有好多唔同嘅喻意,而用喺喜帖上,設計師自然聯想到可以將「喜」同「雀」兩個元素扣埋一齊。

《銀幸》擅用簡約嘅線條設計,喺今次嘅設計上就拎咗客人一對最鐘意嘅雀進行壓印。

另一方面,底紙作為喜帖設計另一個重要元素,《銀幸》就選擇咗一款來自意大利450g嘅綿紙。依款綿紙最大特點就係份量十足,用嚟壓印係一個相當合適嘅選擇。

除咗喜帖,《銀幸》仲為客人做咗一張證婚卡,並用「印銀」嚟加工。之所以用印銀,原因係佢出尼嘅效果比燙銀內儉,作為一張副卡就唔會搶咗正卡喜帖嘅色澤,反而能夠呈現出一種將婚禮連貫為一體嘅感覺。

係依次創作嘅過程入面,客人同設計師一直都傾談甚歡。最後客人更委托《銀幸》為佢地嘅婚禮會場set dresser。喺婚禮完結之後我地同客人都繼續有一個友好嘅聯繫,而依啲人同人之間建立嘅聯繫,就係《銀幸》所創立嘅願景。

設計係與人交流所得出嘅創作。《銀幸》能夠創作一張張精緻嘅喜帖。亦全靠客人對我地嘅信任。