銀幸 ginkgo

  • by

《銀幸》依個名字源於銀杏花。銀杏花嘅花語有永恆的愛,美滿嘅意思。而婚禮正好需要依種美滿嘅感覺,所以取其幸福之意,命名為銀幸。

除咗排版、圖形設計,《銀幸》對字形亦有更高追求。設計師為繁體字係世上最美麗嘅字形之一,創作空間充滿潛力,由古代漢字到和製漢字,已足見繁體字嘅多樣性,亦慢慢從歷史發展蛻變成新嘅形態。

《銀幸》一直都相當堅持設計要有原創、個性與質感,尋覓設計更多可能性,同時呈現對美學嘅追求。奈何繁體字形選擇有限,所以當設計師設計喜帖嗰陣,亦會參考和製漢字,因應個別需要修改字型,令喜帖融合更多嘅元素。

喜帖作為一場婚禮嘅第一印象,代表着二人相愛嘅美。《銀幸》喺尊重客人同時,亦會將設計師嘅意念放入喜帖之中。由選擇喜帖紙樣、用色到排版設計,我哋都會為客人講解唔同嘅配搭,畀客人同設計師產生有趣嘅化學作用,一齊搵出心目中最理想嘅喜帖。

《銀幸》視設計為一個整體,所以連同喜帖信封都會一併設計,令所有經銀幸設計嘅作品,可以由外靚到內,再由內靚返外。

希望《銀幸》對美學嘅一絲不苟,能夠成為對新人嘅祝福,喺依份快樂上錦上添花。